Hall of Fame

Tränen und Trauer statt Trubel & Tore. In der Saison 2017/18 versterben überraschend und viel zu früh Pedro Kölliker und Andreas "Knacki" Paolin. Ein Schweigeminute ist dafür viel zu wenig und so entscheiden sich die Red Sox auf ihre Weise, mit ihrem Tod umzugehen - wir nehmen sie mit, reden über sie, gedenken ihrer und schaffen ihnen diesen kleinen Platz.

Pedro, eher still, aber ein Vorbild als Kämpfer, speziell wenn es nicht gut lief: "Mached emal öppis!".

Knacki, hilfsbereiter Red Sox-Obergrillator und Anpeitscher am Bühnenrand. Ehren-Topskorer bis in alle Ewigkeit, da er kurz mal von diesem Titel geträumt hat: "Alles under eme Kilo isch nöd es Stuck Fleisch, sondern Ufschnitt."

Pedro hat in seiner neuen Heimat Brasilien die letzte Ruhe gefunden, von Knacki nahmen die Red Sox am 5. Januar unter anderem mit einer Rede von Präsident Dan Hammer Abschied:

ES TUET WEH..ES TUET RICHTIG WEH…ES ISCH UNERWARTET UND VILL VILL ZFRÜEH…ABER MIR MÜEND  SIM TOD ÖPPIS ENGÄGESETZE, MIR WERDED DRÜBER REDE, MIR WERDED IHN MITNÄÄ UND MIR WERDED IHN IN ERINNERIG BHALTE…

ES ISCH STILL WORDE IM CHAT VO EUSERE ISHOCKEYMANNSCHAFT, DE RED SOX, WO DE KNACKI JAHRELANG MITGLIED GSI ISCH…HÜT ABIG ISCH EN MATCH, ABER DAS MUTIERT, WIE SO VIELES ANDERI AU, ZUR NÄBEDSACH…DE KNACKI ISCH EN TEIL VO DERE MANNSCHAFT GSI, VO DEM CLUB, WO SIT ÜBER 26 JAHR EXISITIERT….UND NÖD WILL ER JETZT DE GROSSI TECHNIKER GSI ISCH UFEM IIS, AU WÄNN ER SICH MAL ZUM TOPSCORER ERNÄNNT HÄT, WAS EUS HÜT NA ES SCHMUNZLE UND DE EINTI ODER ANDERI SCHPRUCH WIRD ENTLOCKE….MIR HÄND UF ALLI FÄLL BESTUMME, DASS DE TOPSCORERHELM NIE MEH WIRD EN ANDERE TRÄGE. SCHO USEM EIFACHE GRUND, DASS DE HELM KEIM ANDERE UF DE CHOPF WÜRD PASSE, ICH SPRICHE DIE DIMENSIONEN AA, WO DE KNACKI VERKÖRPERED HÄT…WAS ER ABER GERN USTEILT HÄT, SIND CHERNIGI CHECKS GSI….EB ER JETZT HÄT WELE ODER NÖD, EBS DE GÄGESCHPILLER GSI ISCH, ODER AU MAL DE EIGNI MITSCHPILLER, VILLICHT ISCHES AU KEIN GEWOLLTE CHECK GSI, SONDERN EN VERSTOLPERER…MIR HÄND NATÜRLICH AU GWÜSST, DASS BI DEM HORRENDE TEMPO, WON ER UFEM IIS AAGSCHLAGE HÄT, NÖD IMMER ALLES SO KONTROLLIERBAR GSI ISCH MIT DERE MASSE..ABER ES ISCH AU NÖD SCHPIEL SÄLBER GSI, WO FÜR IHN IM VORDERGRUND GSCHTANDE ISCH, SONDERN TEAMGEISCHT, GSELLIGKEIT, FRÜNDSCHAFT UND AM LIEBSCHTE HÄT ER IDE SENIOREGARDEROBE HINEUSSE SIN GRILL UFGSCHTELLT UND HÄT EUS HAMBURGER ODER SUSCHTIGI LECKEREIE BRUTZLED. NATÜRLICH MIT SCHPÄCK UMWICKLED…

WAA IHN ABER AU UNDER ANDEREM UUSZEICHNET HÄT, ISCH SINI FREUD GSI,  ANDERI KULINARISCH VERPFLÄGE, UND DAS AM LIEBSCHTE HINDER SIM SÄLBERBASCHTLETE GRILL, ODER ZUMINDEST HÄTS MÜSE RÜCHE UND ZISCHE….DFLEISCHSCHTUCK HÄND AU DEMENTSPRÄCHEND NÖD ZCHLI DÄRFE SII, UND WEHE, MER HÄT NÜME MÖGE, UND ES HÄT NA FLEISCH UFEM GRILL GHA….ICH MAG MICH A GRILLPARTIES IN WERNETSHUUSE ERINNERE, ES PAAR METER NÄBED MIM ELTEREHUUS, WO DE KNACKI GWOHNT HÄT, WIEMER BI IHM IIGLADE GSI SIND, UND ICH DETE USEGRUGELED BIN, NACHDEM AU DE ALLERLETSCHTI TROPFE VO IRGENDEM EDLE SCHNAPS HÄT MÜSE WEGGLÜRGGED WERDE…DAS HÄT IHN UUSZEICHNET….E RIIIESIGI GASCHTFRÜNDSCHAFT, HILFSBEREIT, ES GROSSES HERZ, UND EIFACH EN LIEBE SIECH….

ICH CHAN HÜT ABIG NÖD GO HOCKEY SCHPILLE WILLI ES KONZERT HAN….UND ICH WIRD WÄHREND DE SHOW AN KNACKI DÄNKE….ES CHUNT MIR IN ERINNERIG, WIE MIR MAL IN EINSIDLE I DE ZIEGELEI GSCHPILLT HÄND,VOR CA 250 LÜÜT, ICH UFEME FREMDE CHLINE SCHLAGZÜÜGKIT, UND SO NACHEM DRITTE SONG USEM DUNKLE EINE UFD BÜHNE UFESCHREIT : „HEY HAMMER, HÄSCH DAS HUERE TRÜMMELI BIM FRANZ CARL WEBER KAUFT ODER HÄÄ??“ TOTESCHTILLI IM SAAL, UND ICH ES GRINSE IM GSICHT, HAN NATÜRLICH GENAU GWÜSST, US WELEM LAGER DE SCHPRUCH CHO ISCH…
EUSE LETSCHTI SONG HÜT ABIG WIRD ICH IHM WIDME…

„RIDE ON“ …KNACKI…MIR VERMISSED DICH….EUSE KUMPEL, FRÜND, VERWANDTI, MAA, OBERGRILLATOR, UND EHREN-TOPSCORER DER RED SOX BIS IN ALLI EWIGKEIT----

RIDE ON…